الهدف بسيط: عرف شكون المجرم، وجيب جوج ديال الأدلة باش القاضي يحكم عليه. هاد الصفحة كتشرح القواعد بالتفصيل — وإلا بغيتي الاستراتيجيات والتكتيكات، سير لدليل المحقق.
ابدا قضيتك الأولى 🔦كل قضية كتبدا بملف: أشنو وقع، فين، وشكون المشتبه فيهم. اقرا "معطيات التحقيق" — هادو حقائق ثابتة كيعرفها كولشي، والمجرم مضطر يكذب حواليها. وشوف "علاش مشكوك فيه" تحت كل واحد.
سولهم أسئلة دقيقة: فين كنتي؟ فوقاش بالضبط؟ شكون شافك؟ أشنو سمعتي؟ السؤال المزيان (بأسماء وأوقات وبلايص) كيجيب جواب مفصّل، والمجرم كيتعب ملي تضيّق عليه. عندك 8 أسئلة فالقضية — كل وحدة محسوبة.
المجرم ملي كيتعب كتهرب ليه تفاصيل ما خاصوش يعرفها — وقت ما صرّح بيه حتى واحد، بلاصة ما ذكرها حد. هادو هوما الزلّات، والدليل ديالك. كل تصريح كيتسجّل فالدفتر 📓 — دوس عليه باش تواجه بيه ولا تتحقق منو.
ملي تكون متأكد، اتّهم وقدّم جوج أدلة من الدفتر: زلّة 🔴، كذبة مثبوتة ❌، ولا شهادة شاهد 🤲. جوج أدلة = إدانة. دليل واحد = القاضي كيعطيك فرصة تكمّل. حذّاري: إلا اتّهمتي بريء، القضية كتفشل نيشان، وجوج خسارات فنهار واحد كيسدّو عليك المركز حتى غدا.
حلّ 30 قضية فالصف بلا خسارة باش تتأهّل لامتحان القضاة. الامتحان نهار 21 من كل شهر: 30 سؤال، 5 دقايق، وخاصك 90% باش تنجح وتربح شارة القاضي ⚖️ الدائمة. من بعد 21 كيتعاود الموسم والكل كيرجع للصفر — غير الشارات كيبقاو. التفاصيل الكاملة فـدليل طريق القاضي.
Read the case file, ask precise questions (8 per case), catch the culprit's slips, verify lies with the informant, confront suspects with each other's statements, then accuse with two valid pieces of evidence. Wrong accusations fail the case; two daily losses close the station until tomorrow. Solve 30 in a row to qualify for the monthly Judge Exam (21st of each month, 30 questions, 90% to pass) and earn a permanent Judge badge.